TRAXECTO:

Punto de partida situado nunha pista asfaltada no barrio das Saíñas, ó pasar o cruce do Pozo Mouro, á dereita (estrada N-634). A ruta transcorre paralela ó río Masma, río troiteiro e salmoneiro.

QUILÓMETROS DE PERCORRIDO:

6,5 km

ÉPOCA IDEAL:

Calquera do ano, pero sobre todo en primavera e verán. É un percorrido ideal para facer en bicicleta de montaña e a pé.

DIFICULTADE:

A ruta transcorre paralela ó río, non entraña grao de dificultade. Non é aconsellable facela en época de chuvias.

SITIOS DE INTERESE:

Presa e muíño de Fontela. Central eléctrica.

VEXETACIÓN:

Na primeira parte atópanse pradeiras e terras de cultivo. Deixando O Barral atopamos castiñeiros, carballos, salgueiros, nogueiras, amieiros, bidueiras, loureiros, pradairos, piñeiros e eucaliptos.

FAUNA:

Corzos, xabarís, raposos; pombos, patos, garzas; troitas e salmóns.