TRAXECTO:

A) Casa do Concello → Gasolineira → Eiras –> Capela de S. Estevo.

B) Casa do Concello → Estrada da Insua → Capela de S. Estevo.

QUILÓMETROS DE PERCORRIDO:

A) 3,3 km

B) 3,1 km

ÉPOCA IDEAL:

Calquera do ano, sobre todo primavera e verán.

DIFICULTADE:

Primeiro treito, baixa, podendo facerse a pé e en bicicleta de montaña. A partir da capela a dificultade é alta (a pé). Os menores deben ir acompañados.

SITIOS DE INTERESE:

Capela de San Estevo, fonte ferruxinosa, a fervenza, a fonte de Santa Rosa e muíños en estado ruinoso.

VEXETACIÓN:

Na primeira parte do percorrido, pradeiras e terras de cultivo. Na arboreda, piñeiros e eucaliptos. A partir da Capela atopamos a Fraga de Santo Estevo do Ermo formada por bosque autóctono: carballos, castiñeiros, abeleiras, loureiros, salgueiros e bidueiros, entre outros.

FAUNA:

Corzos, raposos, xabarís, esquíos, xinetas… e no rego, troitas.