OFERTA DE EMPREGO PARA A CONTRATACIÓN DE ATA TRES PERSOAS: PROGRAMA RURAL ACTIVO 2026

Convocatoria de contratación laboral temporal de ata tres persoas para realizar a obra ou servizo denominada “Reparación e mantemento de infraestructuras municipais”, por un prazo de nove meses, a xornada completa, mediante contrato temporal coas cláusulas específicas de traballos de interese social.

Os postos de traballo a cubrir serían:

• • 2 peóns forestais, con grupo de cotización 10, e un salario bruto mensual de 1.424,50 €, equivalente ó SMI e que xa incluirá a parte proporcional das pagas extras.
• • 1 coordinador/a, que deberá ter algunha destas titulacións: Enxeñería Técnica Forestal, Técnico/a superior en xestión forestal e do medio rural ou técnico/a en aproveitamento e conservación do medio rural, o grupo de cotización será o 2 e o salario bruto mensual será de 1.599,60 €, incluindo xa a parte proporcional das pagas extras.

Para optar o proceso de selección, as persoas interesadas deberán inscribirse na Oficina Pública de Emprego de Ribadeo como persoas demandantes non ocupadas e estar dispoñibles para o emprego.

As labores fundamentais que se levarán a cabo serán a conservación preventiva de vias, edificios e zonas verdes, co fin de manter a seguridade e prolongar a vida útil das infraestructuras municipais. Realizaranse tarefas de coidado de xardíns e zonas de ocio, espazos verdes como parques, centros escolares e outros lugares de uso público.

A persoa que se contrate como coordinador/a, deberá manter contacto e colaboración permanente co persoal encargado de garantir o sistema público de xestión da biomasa, e tamén realizará labores relacionadas co estado das pistas forestais do concello e coa xestión da biomasa, que tamén poderán ser de inspección e comprobación.

A data límite para anotarse na oficina de emprego de Ribadeo é o 18 de maio do 2026 e as persoas que figuren no listado remitido pola Oficina de Emprego de Ribadeo deberán presentarse nas oficinas municipais do concello de Barreiros o día 20 de maio de 2026 ás 10:00 horas, con toda a documentación que poda ser valorada conforme ao baremo de méritos.

Documentación:

 Acta de selección Rural Activo 2026

 Resolución bases  Rural Activo 2026