Sen prexuízo dos Bandos de Alcaldía-Presidencia, a potestade regulamentaria dos Concellos materializase a través das Ordenanzas e Regulamentos aprobados polo Pleno municipal que, en xeral, axústase ao seguinte procedemento (art. 49 LRBRL):

1. Aprobación inicial polo Pleno, por maioría simple.
2. Información pública e audiencia aos interesados por un prazo mínimo de 30 días para a presentación de reclamacións e suxestións (o anuncio exponse ao público no Taboleiro de Edictos do Concello e publícase no Boletín Oficial da Provincia). As alegacións poderán presentarse a través do Rexistro Xeral do Concello de Barreiros ou da sede electrónica (con certificado dixital).
3. Resolución de todas as reclamacións e suxestións presentadas dentro do prazo e aprobación definitiva polo Pleno. No acordo inicial pódese establecer que, se non se presentan reclamacións, a Ordenanza ou Regulamento considerarase aprobada definitivamente de forma automática.
4. Publicación no Boletín oficial da Provincia de Lugo.

Nota: A información que se inclúe nesta páxina ten como finalidade divulgar o coñecemento dos textos que se publican, prevalecendo, en consecuencia, sobre ela os documentos que obran nos arquivos municipais e diarios oficiais en que se publican.