O Concello de Barreiros pon en marcha un servizo para a recollida de plásticos agrícolas nas explotacións que complementa a posibilidade de depositalos no punto limpo municipal como ata o de agora.

O servizo de recollida dos plásticos prestárase 2 veces ao ano e  realizarase cunha empresa especializada cuxo custe asume o Concello, sendo polo tanto gratuíto para as explotacións.

Para esta primeira recollida, que se fará previsiblemente en maio, as explotacións interesadas no servizo deben anotarse antes do 21 de abril chamando ao Concello 982.124.002 e aportar os seguintes datos:

- Nome e documento de identidade da persoa responsable.

- Número de teléfono

- Lugar de recollida

- Cantidade aproximada de plásticos