Barreiros será a sede do IV Consello Alimentario do Eo, un foro de diálogo e colaboración que reúne a organismos públicos, entidades privadas, especialmente produtores comprometidos coa calidade e coa promoción dun consumo responsable, e á poboación en xeral.

Os obxectivos principais deste consello radican en:
Fomentar o uso de produtos locais e de proximidade.
Apoiar a sustentabilidade e a promoción do noso territorio.

Barreiros vén destacando polo seu compromiso e posta en valor dos produtos locais. Para elo estanse promovendo feitos coma os mercadiños estacionais con produtores da zona, achéganse premios compostos por produtos locais en eventos deportivos e culturais, tamén coa introdución de alimentos de proximidade na escola infantil municipal e nos comedores escolares entre outras moitas accións que se están a levar a cavo desde o Concello de Barreiros.

Este evento será unha oportunidade para avanzar cara a un modelo alimentario máis sostible, no que o rural e os produtos de calidade, volvan a ocupar o lugar que se merecen.

A xornada será aberta para toda a poboación e as persoas interesadas en participar deben inscribirse previamente a través do seguinte formulario:

https://docs.google.com/forms/d/e/1FAIpQLScFHq7eFI5ekeRTHcFV1XXONDz6KuFYPtEuoNKShH4ir5RIzw/viewform?pli=1

Agardámosvos o

O xoves, 19 de decembro outubro

Escolas de San Cosme de Barreiros