O alcalde, Alfonso Fuente, ven de enviarlle unha carta á Dirección Xeral de Saúde Pública da Xunta para que cubra de forma inmediata as baixas médicas que se produzan no centro de saúde da localidade. O rexedor refírese ao malestar xerado pola ausencia de pediatra, xa que “ocasiona retrasos nas vacinas, na atención e nos tratamentos que precisan nenas e nenos deste concello”.