Este domingo, 20 de marzo, ás 18:30 horas no Centro Sociocultural Manuel Díaz Sampedro o grupo de teatro Faro-Miño porá en escena a obra "Os Trillizos da Socorro".

Trátase dunha comedia costumista para todos os públicos que narra a historia de Socorro que vive cos seus trillizos, tres nenos en corpo de home. A historia pega un xiro cando decide contratar unha asistenta.

Ducias de persoas gozaron na tarde de onte no centro sociocultural Manuel Díaz Sampedro, en Barreiros, da música do grupo Nova Poesía, que converteu ao tango en protagonista desta cita.

Os asistentes puideron escoitar temas como La Cumparsita, Milonga del Ángel, El día que me quieras, Caminito, Mi Buenos Aires querido ou Libertango, entre outros. A actividade foi organizada pola Oficina Municipal de Información Xuvenil do Concello de Barreiros.

O espectáculo Tango porase en escena este domingo, día 21, no Centro Sociocultural Manuel Díaz Sampedro de Barreiros.

O grupo Nova Poesía ofrecerá este espectáculo de audición musical no que versionará famosos tangos dentro do panorama histórico-musical. Este grupo está integrado por profesionais da música que interpretarán as pezas á guitarra, bandurria e rapsodia.

O concerto que terá lugar este domingo, día 21, comezará ás seis e media da tarde no Centro Sociocultural Manuel Díaz Sampedro de Barreiros.

O centro sociocultural Manuel Díaz Sampedro, de Barreiros, encheuse onte para gozar da representación teatral de A Rabela, de Baralla, que puxo en escena "Balbina a adiviña". A actividade foi organizada pola Concellería de Cultura e pola Oficina de Información Xuvenil. 

Alumnado de Educación Infantil e primaria dos colexios de San Cosme e San Miguel recibiu a visita virtual de Papá Noel, na que aproveitaron para realizar as súas peticións de Nadal

A Aula CeMIT de Barreiros conectou con Laponia os días 15 e 16 de decembro, para realizar unha videoconferencia con Papá Noel, a través da que un total de 50 alumnas e alumnos de Educación Infantil e Primaria dos colexios de San Cosme e San Miguel, puideron realizar as súas peticións de Nadal e solicitar en directo os seus agasallos a Papá Noel.

A actividade, que terá lugar no pavillón de San Cosme a partir das 17.00 horas, incluirá unha recepción con Papá Noel e unha gran chocolatada para os asistentes

Os nenos e as nenas de Barreiros anticiparanse á chegada de Papá Noel cunha Festa de Nadal que se celebrará o día 19 de decembro, a partir das 17 horas no Pavillón Municipal. Así o anunciou o alcalde, Alfonso Fuente, que esta mañá presentou o evento acompañado do concelleiro de Deportes, Daniel Cancio.