Teléfono: 982124002
E-mail: info@concellodebarreiros.gal
A alcaldesa de Barreiros, Ana Ermida, inaugurou esta mañá o primeiro obradoiro do proxecto “Vivir o Mar: Produto Local e Deporte no Litoral de Barreiros”.
O alumnado do colexio de San Cosme recibiu a visita de María Teresa Iglesias Basanta e de Javier Montero, presidenta e cociñeiro membro do Colectivo Gastronómico da Mariña, que falaron sobre a importancia do produto local e de tempada para ter unha vida saudable.
Os nenos e as nenas convertéronse en detectives do mar e aprenderon un prato estrela das nosas costas, a pescada de Celeiro.
Os obradoiros nos centros educativos de Barreiros continuarán ata o mes de novembro e, ademais de alimentación, tratarán a importancia da actividade física e o coñecemento do litoral como espazo de benestar e de sostibilidade.
O programa está financiado polo Fondo Europeo Marítimo, de Pesca e de Acuicultura (FEMPA) e pola Xunta de Galicia.
#Barreiros #VivirOMar #FEMPA #FondosEuropeos #XuntadeGalicia #AMariña #VidaSaudable