Barreiros celebra o día das Letras Galegas con teatro e con música o domingo e o martes.

Este domingo, 15 de maio, haberá teatro. O grupo A Adala representará Unha morta moi viva. Será a partir das sete da tarde no centro sociocultural Manuel Díaz Sampedro. A actividade está organizada pola Oficina de Información Xuvenil e pola Biblioteca Pública Municipal.

O alcalde, Alfonso Fuente, asegura que a auga das parroquias de Reinante, San Miguel e San Pedro é apta para o consumo a pesares do forte olor detectado estes días.

O rexedor contou que “dende hai dous días en Barreiros, sobre todo nas parroquias de Reinante, San Miguel e San Pedro, estase a notar un olor moi forte na auga. Un olor que se podería confundir cun exceso de cloro ou de lixivias”.

O alcalde, Alfonso Fuente, e a concelleira de Cultura, Adela Rodríguez, entregaron hoxe nos colexios de San Miguel e de San Cosme varios exemplares de libros de Manuel María, o escritor ao que este ano se dedica o Día das Letras Galegas. “Deste xeito queremos contribuír á celebración desta data”, sinalaron. 

O CONCELLO COMEZOU ESTES DÍAS AS OBRAS DE MELLORA DO ABASTECEMENTO DE AUGA NAS PARROQUIAS DE SAN COSME E SAN MIGUEL. O INVESTIMENTO TOTAL ASCENDE A 400.000 EUROS.

O Concello comezou estes días as obras de mellora do abastecemento de auga nas parroquias de San Cosme e San Miguel. O orzamento total ascende a 400.000 euros.

Un grupo de barreirenses realizaron o pasado sábado, 7 de maio, a cuarta etapa da peregrinación a Santiago a través do Camiño Primitivo.

O percorrido foi de 18 quilómetros entre Lugo e San Román da Retorta. O concelleiro de Medio Ambiente, José Manuel Gómez Puente, contou que "foi un camiño sen demasiadas dificultades, pero cunhas vistas á natureza extraordinarias, sobre todo na serra do Careón, que divide as provincias de Lugo e A Coruña".

A REDE DE VOLUNTARIADO LOCAL DO CONCELLO ESTÁ A ORGANIZAR OS ACTOS DO VI DÍA SOLIDARIO. A PRIMEIRA ACTIVIDADE SERÁ UN DESFILE BENÉFICO, QUE TERÁ LUGAR O 29 DE MAIO.

A Rede de Voluntariado Local do Concello e as súas voluntarias están a organizar os actos do VI Día Solidario.

O CONCELLO COLABOROU COA CENA BENÉFICA EN APOIO DA ASOCIACIÓN DE LOITA CONTRA O CANCRO CELEBRADA O PASADO VENRES. A CONCELLEIRA ADELA RODRÍGUEZ MOSTRA O SEU AGRADECEMENTO A TODAS AS PERSOAS QUE ACUDIRON E ÁS EMPRESAS QUE APORTARON OBSEQUIOS PARA SER SORTEADOS.

SEIS SERÁN AS BANDEIRAS AZUIS QUE LUCIRÁN AS PRAIAS BARREIRENSES NESTE 2016. A DE AREALONGA RECUPERA O DISTINTIVO, ALGO QUE SUBLIÑOU O ALCALDE, ALFONSO FUENTE.

O alcalde, Alfonso Fuente Parga, valora positivamente a concesión de seis bandeiras azuis a outras tantas praias deste concello. Os areais que recibiron este recoñecemento son As Pasadas, Lóngara, Coto, Acantilado-Remior, Arealonga e Fontela-Valea.

Rematou no centro sociocultural Manuel Díaz Sampedro, de Barreiros, a exposición "Abril... libros mil", realizada con motivo da celebración do día internacional do libro. A mostra, organizada pola Biblioteca Pública Municipal, estivo aberta durante todo o mes en horario de 10 a 14 horas e de 17 a 19 horas. A exposición foi visitada por escolares do municipio. Nenos e nenas participaron en diferentes actividades con motivo da exposición e da proximidade da celebración do día das letras galegas.

Medio cento de camiñantes barreirenses fixeron o pasado sábado a terceira etapa da peregrinación que realizan os sábados a Santiago de Compostela a través do Camiño Primitivo. O treito desta pasada fin de semana foi o comprendido entre Santa María de Gondar e Lugo. Segundo explica o concelleiro de Medio Ambiente de Barreiros, José Manuel Gómez Puente, "foi un tramo precioso de 18 quilómetros, no que se mistura o rústico e rural co urbano.