O concello está a levar a cabo obras de mellora e compra de mobiliario e material didáctico nas instalacións da Escola Infantil.

As obras que se iniciaron estes días consisten en cubrir o patio e cambiarlle o pavimento, tamén se adquiriron unha serie de mobiliario, material didáctico e de xogos para os nenos e nenas.

Este investimento ten unha subvención de 27.764,67 € da Consellería de Política Social e está cofinanciado polo Fondo Europeo de Desenvolvemento Rexional no marco do programa operativo Feder Galicia 2014-2020.

Barreiros conmemorou o Día Internacional para a Eliminación da Violencia de Xénero con diversas actividades na praza do Concello. Alí tivo lugar unha concentración e gardouse un minuto de silencio polas vítimas desta lacra e deuse lectura a un manifesto. Tamén se entregaron os premios aos gañadores e gañadoras do II Concurso de Debuxo Din non á violencia de xénero, no que participou o alumnado de primaria dos CEIP de San Cosme de Barreiros e de San Miguel de Reinante. O encargado de entregar os agasallos foi o alcalde, Alfonso Fuente. 

O CONCELLO INICIOU AS OBRAS DE CONSTRUCCIÓN DA NOVA PONTE EN VILAMARTÍN PEQUENO. O PRESUPOSTO RONDA OS 50.000 EUROS E PODERÍAN ESTAR REMATADAS EN TRES MESES.

O Concello iniciou as obras de construción da nova ponte en Vilamartín Pequeño. O investimento ascende a 50.000 euros. O alcalde, Alfonso Fuente, espera que esta obra estea rematada en pouco máis de tres meses.

Unhas vinte persoas asistiron na Aula CeMIT de Barreiros ao curso sobre o Manexo dos teléfonos móbiles.

Estes días colocouse unha caldeira de biomasa nos Colexios Vellos de San Miguel de Reinante, proxecto financiado polo INEGA, a través dunha subvención para proxectos de equipamentos térmicos de biomasa, cofinanciados co Fondo Europeo de Desenvolvemento Rexional, no marco do programa operativo Feder-Galicia 2014-2020”.

Rematadas as obras de mellora de camiños municipais de acceso a explotacións agrarias 2016 que concedeu a Axencia Galega de Desenvolvemento Rural (AGADER) e que está cofinanciado polo Fondo Europeo Agricola de Desenvolvemento Rural (FEADER) no marco do PDR de Galicia 2014-2020.

UNHA UNIDADE DE DEFENSA ANTIAÉREA DO EXÉRCITO REALIZARÁ MANOBRAS EN BARREIROS E EN RIBADEO DO 18 AO 22 DESTE MES, SEGUNDO DEU A COÑECER HOXE ALFONSO FUENTE.

O Concello ven de instalar varias casetas con baños e duchas nas praias de Altar, Coto e Lóngara. Estes servizos están conectados á rede municipal a diferenza dos existentes ata o de agora que eran baños biolóxicos. En Altar e Coto contan ademais con duchas e o de Lóngara está preparado para persoas con discapacidades.

O centro sociocultural Manuel Díaz Sampedro acollerá este venres, 5 de agosto, un espectáculo de teatro musical mesturado con maxia cómica. Animar-T representará “Laia, aprendiz de maga” a partir das 12:30 horas. Trátase dunha cita para todas as idades e enmárcase no programa Cultura no Camiño da Xunta de Galicia.

A historia conta “a admiración de Laia polo seu avó mago, vese destruída pola decisión de seu pai de levar ao avó a unha residencia. Laia fai o posible para conseguir que o avó regrese á casa”.

O Concello de Barreiros organizou coa colaboración da Xunta de Galicia (Consellería do Mar) na xornada de onte a actividade O sabor da aventura está no mar. Segundo explica a educadora familiar, Vanesa Fernández, "os nenos e nenas de entre 3 e 12 anos desprazáronse ata a nave das redeiras, sita en Burela, e alí aprenderon o seu oficio e as diferentes artes de pesca. Porteriormente degustaron un cátering de produtos do mar coñecendo os alimentos extraídos do mar desde o punto de vista culinario.