Deputación de Lugo subvencionou con 1.190,87 € a colocación dunha caixa negra no Salón de Actos do Centro Sociocultural de San Cosme de Barreiros, mellorando así ditas instalacións e permitindo realizar de forma máis axeitada as actividades culturais que se veñen realizando neste centro.

Deputación Provincial de Lugo subvencionou este ano 2016 con 3.843,28 € a adecuación dos sistemas de información do concello de Barreiros ós requirimentos da Lei 39/2015 e a Lei 40/2015, que neste concello se fai a través da aplicación Gestiona.

A DELEGACIÓN DE MEDIO AMBIENTE ORGANIZA UNHA VIAXE Á PLANTA DE SOGAMA EN CERCEDA. SERÁ O VINDEIRO 22 DE DECEMBRO. A INSCRICIÓN ESTÁ ABERTA.

Este mediodía presentouse no Concello barreirense á viaxe e visita á planta de Sogama en Cerceda, que organiza a Delegación Municipal de Medio Ambiente. Será o vindeiro 22 de decembro e a inscrición está aberta e pode facerse chamando ao seguinte número de teléfono: 618 75 25 60. A actividade é gratuíta.

A ACTUACIÓN DE OS BOLECHAS SERÁ O COLOFÓN DA PROGRAMACIÓN DO NADAL EN BARREIROS.  OS FAMOSOS BONECOS ESTARÁN NO PAVILLÓN MUNICIPAL DE SAN COSME O 7 DE XANEIRO.

A programación do Concello para este Nadal recolle ademais das tradicionais recepción a Papa Noel e a Cabalgata de Reis a actuación de Os Bolechas o 7 de xaneiro. As actividades foron presentadas hoxe polo alcalde, Alfonso Fuente, a concelleira de Cultura, Adela Rodríguez, e o concelleiro de Xuventude e Deportes, Adrián Blanco.

O CONCELLO ORGANIZA O CONCERTO LYRICAS EN GALICIA O VINDEIRO DOMINGO, 18 DE DECEMBRO, NO CENTRO SOCIOCULTURAL MANUEL DÍAZ SAMPEDRO.

A Concellería de Cultura organiza o concerto Lyricas en Galicia para este domingo, 18 de decembro. Esta actuación estaba prevista inicialmente para o pasado mes de novembro, pero tivo que ser aprazada debido á enfermidade dunha das integrantes do grupo.

O Concello ven de acondicionar para aparcadoiro o terreo situado detrás do polideportivo do colexio de San Miguel de Reinante.

O Concello de Barreiros informa de que  o próximo día 9 de decembro sairá publicado no BOP a convocatoria para a contratación laboral temporal mediante o sistema de concurso, de dous (2) postos de traballo de oficial para o servizo de augas municipal ao abeiro do convenio asinado coa Deputación Provincial de Lugo – Programa DEPUEMPREGO.

O prazo para presentar as solicitudes comezará o día 12 e rematará o 16 de decembro no Rexistro Xeral do Concello de Barreiros en horario de 9:00 a 14:00.

A Aula CeMIT de Barreiros ven de clausurar o último curso celebrado este 2016. Desta volta foi un curso de iniciación a informática no que uns 20 alumnos deron os seus primeiros pasos no manexo do ordenador, “quedando moi ilusionados con seguir avanzando xa en próximos cursos que se celebrarán durante o 2017”, segundo explica Manuel Pérez.

A actividade formativa da aula neste 2016 péchase cun balance de 38 actividades, entre cursos, charlas, seminarios e vídeo conferencias, que suman un total de 380 horas formativas de diversa temática e niveis.