A Biblioteca Pública Municipal convoca os Certames de Poesía e Debuxo Nadal 2017.

No Certame de Poesía poden participar nen@s e moz@s ata 16 anos. O tema xenérico é o Nadal e a recepción de traballos remata o 22 de decembro na Biblioteca ou nos colexios barreirense. Esta cita está organizada en colaboración coa Biblioteca Pública de Lugo.

O Certame de Debuxo está dirixido a nenos e nenas de 3 a 5 anos. Os traballos, que versarán sobre o Nadal, presentaranse en cartolina tamaño A4 ata o 22 de decembro na Biblioteca ou nos colexios.

O grupo de teatro O Bordelo, de Cervo, representará a obra O malquerer. Será o vindeiro domingo, día 19, a partires das 18:00 horas, no centro sociocultural Manuel Díaz Sampedro en San Cosme de Barreiros.

Esta actuación inclúese no proxecto teatral Buxiganga da Deputación de Lugo que patrocina o evento. Conta coa colaboración do Concello de Barreiros a través da Oficina de Información Xuvenil e da Concellería de Cultura.

A sección infantil do grupo de teatro A Adala porá en escena este domingo, 1 de outubro, en Barreiros a obra "A ra que se quedou sen charco". Os xoves actores integrantes do grupo de Fazouro, estreaban esta obra o pasado mes de febreiro e agora chegan con ela a Barreiros.

Esta representación, incluída no proxecto Buxiganga da Deputación de Lugo, terá lugar o vindeiro domingo ás 18:00 horas no centro sociocultural Manuel Díaz Sampedro. Na organización colaboran a Concellería de Cultura e a Oficina de Información Xuvenil.

O alcalde, Alfonso Fuente, mantivo unha xuntanza nas últimas horas co presidente da Xunta de Galicia, Alberto Núñez Feijoo, para abordar cuestións como o saneamento ou o plan xeral, aínda que tamén falaron da situación da sanidade na Mariña. O titular do executivo galego pediulle ao rexedor que lle transmita tranquilidade aos veciños e veciñas de Barreiros e díxolle que non haberá merma de servizos no Hospital da Costa. Fuente Parga cualificou de cordial o encontro de onte, e declarou que o presuposto para mellorar o saneamento de Barreiros ascendería a 4.700.000 euros.

O concello de Barreiros xunto co Grupo Nordés (grupo de facebook) colaboran para a organización da exposición conxunta que Olivia C. Rozas e Maria del Carmen Santamarina realizan conxuntamente no centro sociocultural Manuel Díaz Sampedro, en San Cosme de Barreiros.

O Concello está a limpar a maleza que invade a estrada na ponte que vai sobre a autovía A-8 na zona da Folgueirosa. O alcalde, Alfonso Fuente Parga, supervisou os traballos que rematarán na xornada de mañá, martes.

O Concello realiza obras de mellora nos colexios de San Cosme e San Miguel. No de San Cosme os traballos consistiron en arranxos no peche exterior do centro e pintado dalgunha das aulas. E no de San Miguel estase facendo un drenaxe para solucionar as humidades detectadas no pavillón de deportes.

O Concello de Barreiros en colaboración coa asociación “Mulleres en igualdade Burela” organizan un programa de inserción sociolaboral para mulleres en situación de vulnerabilidade.

O programa ten como misión a reinserción no mercado laboral das mulleres en situación de vulnerabilidade a través de:

- Apoio e titorización na toma de decisións ao longo da actuación.

- Formación dirixida a potenciar os hábitos laborais, habilidades e coñecementos para diferentes postos de traballo.

- Capacitación profesional.