O Concello de Barreiros vén de asinar un convenio coa área de Rural da Deputación de Lugo, que dirixe Dani García, para financiar a creación da primeira fase da senda peonil e ciclable en San Cosme.

O Concello de Barreiros, xunto coas ANPAS dos CEIPs de San Cosme e de San Miguel, volve organizar unha viaxe a #XuvenLugo, unha cita xa clásica destas datas para a cativada barreirense.

A aula CeMIT de Barreiros volve converterse nestas datas nun espazo cheo de ilusión grazas ás conexións en directo con Laponia, que permiten que as crianzas do municipio poidan falar con Papá Noel e transmitirlle persoalmente os seus desexos para este Nadal.

Como é habitual, neste Mercadiño no Nadal tamén teremos espazo para a promoción de produtos alimentarios de proximidade.

Esta semana recibimos a visita de Pedro Blanco, delegado do Goberno en Galicia, que puido comprobar en primeira persoa a situación dos cantís na zona do San Bartolo, para a que a Dirección General de Costas elaborou un estudo e o proxecto para garantir a seguridade na zona.

A biblioteca de Barreiros está de noraboa despois de acadar un dos premios do Concurso de Proxectos de animación á lectura María Moliner organizado polo Ministerio de Cultura para municipios de menos de 50.000 habitantes.

O mércores, 3 de decembro, o Concello de Barreiros acollerá o stand “Un mar de diversidade II”, unha proposta aberta á comunidade que invita á veciñanza a reflexionar sobre a diversidade e sobre a necesidade de avanzar cara a contornas máis accesibles.

Este mediodía, desde a Praza do Concello, a veciñanza barreirense alzou a voz contra a violencia machista nun acto para lembrar que en Barreiros non hai espazo para as violencias contra as mulleres.

O Ministerio de Dereitos Sociais, Consumo e Axenda 2030, a través do IMSERSO, ten aberto o prazo para que as persoas pensionistas poidan solicitar praza no programa de Termalismo Social para o ano 2026.

O filme inclúese no VIII Ciclo de Cine e Mulleres Rurais organizado polo Ministerio de Agricultura, Pesca e Alimentación.