O Concello de Barreiros pon en coñecemento da veciñanza que a Consellería de Política Social e Igualdade, acaba de convocar o programa de “RESPIRO FAMILIAR PARA PERSOAS COIDADORAS DE PERSOAS CON DEPENDENCIA OU DISCAPACIDADE”.

Persoas Beneficiarias:

Persoas coidadoras habituais non profesionais que atendan de forma continuada unha ou máis persoas dependentes ou con discapacidade ou en situación de necesidade de terceiros para as actividades da vida diaria, acreditada mediante informe médico e social.

Modalidades:

   - Respiro no fogar
   - Respiro en centro de día
   - Respiro en residencia

O prazo de presentación de solicitudes está aberto ata o 15 outubro de 2025.

Para máis información, así como para a tramitación das solicitudes, poden pasar polo Departamento de Servizos Sociais do Concello, mediante cita previa no teléfono 982.317.143.