A formulación dun Plan Municipal de implementación dos ODS responde a unha vontade clara por parte do Concello de Barreiros co desenvolvemento sostible, co respecto coas persoas dende un enfoque igualitario e co coidado co territorio. Este documento recolle o traballo realizado nesta fase de planificación e formulación. O primeiro paso consistiu na elaboración dun estudo sobre a realidade do territorio e das políticas municipais en base á Axenda 2030. Ese informe foi o punto de partida aterrado na realidade do territorio para así garantir unha formulación dun plan municipal realista e abarcable.