Hoxe tivo lugar a presentación do agardado "Campus de Verán Fundación Celta by Cabreiroá 2023" no Concello de Barreiros. O evento contou coa presenza da alcaldesa, Ana Ermida; o concelleiro de dinamización e participación veciñal, Dani García; o coordinador da Fundación Celta de Vigo, Manu Gómez, e membros das directivas dos equipos locais que colaboran co evento cedendo as súas instalacións.
A concellería de dinamización do Concello de Barreiros presenta a axenda cultural “Barreiros ConVídate”, que terá lugar nas distintas parroquias do municipio durante os meses de maio, xuño e xullo. Este programa cultural ten como obxectivo achegar a cultura a todos os recunchos de Barreiros, ofrecendo unha variada selección de actividades para todos os públicos.
A Xunta de Goberno Local iniciou os procesos de contratación dos arranxos de camiños correspondentes ao Plan Marco e ao Plan Único.
Barreiros e Lourenzá organizan unha actividade guiada que unirá os dous concellos coa figura do homenaxeado nas letras galegas 2023, Francisco Fernández del Riego, como nexo.
Os Concellos de Barreiros e Lourenzá presentaron hoxe a actividade guiada que organizan para o vindeiro 7 de maio. A iniciativa englóbase nas actividades arredor do Día das Letras Galegas e desenvolverase baixo o nome "De Cosme Barreiros a Salvador Lorenzana", honrando dous dos pseudónimos utilizados polo escritor laurentino homenaxeado en tal data.
Galego
Español
