O alcalde, Alfonso Fuente, mantivo unha xuntanza nas últimas horas co presidente da Xunta de Galicia, Alberto Núñez Feijoo, para abordar cuestións como o saneamento ou o plan xeral, aínda que tamén falaron da situación da sanidade na Mariña. O titular do executivo galego pediulle ao rexedor que lle transmita tranquilidade aos veciños e veciñas de Barreiros e díxolle que non haberá merma de servizos no Hospital da Costa. Fuente Parga cualificou de cordial o encontro de onte, e declarou que o presuposto para mellorar o saneamento de Barreiros ascendería a 4.700.000 euros.