O departamento de Servizos Sociais do Concello organiza unhas Xornadas Sanitarias sobre o Cancro, que terán lugar os días 6 e 7 de abril.

O venres, día 6, Antía Ben Fernández, que é técnico superior en Dietética e Nutrición pronunciará unha charla sobre Alimentación preventiva contra o cancro. Será ás 18 horas.

O sábado, día 7, Ana Rosa Devesa Fernández, enfermeira supervisora do Hospital de Día Onco-Hematoloxía do HULA, falará sobre Os coidados no fogar coa quimioterapia. Esta charla dará comezo ás 16:30 horas.

E tamén o 7 de abril Carmen Rubiños López, psicóloga e psicooncóloga da AECC Lugo na Delegación de Burela, disertará sobre O impacto emocional do diagnóstico oncolóxico. Será a partir das 18 horas.

Todas as charlas se celebrarán no centro sociocultural Manuel Díaz Sampedro.

Desde o Concello agradecen a colaboración da AECC Lugo, de Antía Ben e de Ana Rosa Devesa.