Desde o Concello de Barreiros estamos a levar a cabo diversos traballos de repintado e sinalización co obxectivo de mellorar a accesibilidade para as persoas con mobilidade reducida e garantir espazos adecuados para os vehículos de emerxencias.

Entre estas actuacións xa se poden ver os repintados das prazas para vehículos con persoas de mobilidade reducida (PMR) nas vivendas sociais de San Cosme, no teleclub, na praia de Fontela, en Coto e na Pasada.

Tamén se crearon prazas reservadas para vehículos de emerxencia e salvamento en Altar e en Coto.

En San Miguel de Reinante, estase a mellorar a sinalización da praza PMR situada na Praza do Souto e vaise trasladar a parada de taxi para diante do Hostal-Restaurante O Vendaval.

Estas pequenas actuacións considerámolas de vital importancia para construír un Barreiros máis accesible, seguro e ordenado.

Tamén nos gustaría facer un chamamento á veciñanza para que respecte estes espazos e faga un uso responsable dos mesmo.

A empatía e o respecto son fundamentais para a boa convivencia.