Os concellos de Barreiros e Ribadeo volven colaborar para por en marcha un novo obradoiro de emprego dirixido a persoas mozas (ata 30 anos) inscritas no Sistema Nacional de Garantía Xuvenil. Un proxecto que realizan de maneira conxunta os dous concellos e que se leva a cabo a través dunha subvención procedente da Consellería de Emprego e Igualdade.

Estas son algunhas das actuacións que o alumnado desenvolverá durante o programa:

• - Análise do territorio dende o punto de vista natural.
• - Creación dun centro de interpretación virtual do patrimonio natural.
• - Realización de visitas guiadas interpretadas aos espazos rurais e naturais.
• - Realización de talleres de educación ambiental.
• -Creación dunha xeorruta pola Fraga de Santo Estevo do Ermo
• - Unión dos concellos de Barreiros e Ribadeo a través dunha ruta.
•  

Terá unha duración de 12 meses e contratárase a 16 persoas alumnas-traballadoras de Ribadeo e Barreiros e a dúas persoas para os postos de persoal docente.

As especialidades formativas que albergará o obradoiro “Territorio Vivo” son:

• - Interpretación educación medioambiental.
• - Operacións de gravación e tratamento de datos e documentos.
•  

As solicitudes para participar no obradoiro de emprego poderán facerse na Oficina de Emprego de Ribadeo ata o 30 de xullo.

Ver as Bases de selección monitores

Ver as Bases de selección alumnado