O Concello de Barreiros, a través da súa Aula Mentor, abre o prazo de inscrición para unha nova convocatoria de cursos formativos en liña, totalmente gratuítos e dirixidos a persoas adultas que desexen mellorar as súas competencias profesionais e dixitais.

O prazo de matriculación manterase aberto ata o 10 de novembro.

As persoas interesadas poden inscribirse ou solicitar máis información na Aula Mentor de Barreiros, a través do telf. 666.87.59.46 ou no correo barreiros@aulamentor.es. As prazas son limitadas e ocuparanse por rigorosa orde de inscrición.

Os cursos, cunha duración aproximada de 60 horas para facer en 2 meses a partir do 12 de novembro, impártense en liña e contarán con titorías personalizadas.

Nesta convocatoria os cursos ofertados son:

• 01. Linux Unhatched (Cisco): introdución ao sistema operativo Linux e á súa interface de liña de comandos.
• 02. Introdución a Internet das Cousas (Cisco): coñecemento das tecnoloxías que conectan dispositivos e obxectos intelixentes.
• 03. Introdución á Ciberseguridade (Cisco): boas prácticas e ferramentas para protexer a privacidade e os datos en liña.
• 04. Emprendemento Dixital (Cisco): habilidades e competencias para o éxito no entorno laboral do século XXI.
• 05. Fundamentos de Intelixencia Artificial con IBM SkillsBuild (Cisco): aproximación á IA e aos seus usos actuais en diferentes sectores.
• 06. Introdución á Ciencia de Datos (Cisco): primeiros pasos na análise e interpretación de datos.
• 07. Conceptos básicos de redes (Cisco): aprendizaxe dos fundamentos das redes informáticas e da súa estrutura.
• 08. Iniciación a Salesforce: formación no uso básico desta ferramenta de xestión de clientes (CRM).
• 09. Administración de Salesforce: aprendizaxe avanzada na configuración e administración da plataforma.
• 10. Iniciación á Física: fundamentos da cinemática, dinámica e enerxía, ideais para iniciarse nesta disciplina científica.

O Concello de Barreiros segue co seu compromiso de ofertar formación continua e en igualdade de oportunidades que permita á veciñanza do rural acceder a programas de aprendizaxe de calidade e sen desprazamentos.

A través da Aula Mentor e da Aula CeMIT de Barreiros búscase reducir  a fenda dixital e fomentar o desenvolvemento persoal e profesional poñendo en igualdade de condicións ás veciñas e veciños de concellos pequenos fronte as persoas das zoas urbanas.