A BIBLIOTECA PUBLICA MUNICIPAL DE BARREIROS convoca o CERTAME DE NARRACIÓN E DEBUXO INFANTIL LETRAS GALEGAS 2021 ( Fase Local), de acordo coas seguintes bases:

BASES:

1.- Poden participar todas as nenas e nenos con:

- A) NARRACIÓNS, en galego, cunha extensión máxima dun folio por unha soa cara, sobre o tema:

            “ O dereito das nenas e nenos a participar na vida cultural. ( Art. 31 Convención sobre os Dereitos do Neno.)”

- B) DEBUXOS, feitos sobre cartolina de tamaño aproximado de DIN A4, sobre o tema:

            “ O dereito das nenas e nenos a participar na vida cultural. ( Art. 31 Convención sobre os Dereitos do Neno.)”

2.- Cada autor pode presentar cantos traballos desexe, mecanografados, escritos a ordenador ou a man; neste ultimo caso sempre a bolígrafo e nunca a lápis. Con cada traballo, acompañarase unha folla co nome e demais datos do autor.

3.- Establecense 3 categorias:

                                                CATEGORÍA A: ata 8 anos

                                                CATEGORÍA B: de 9 a 11 anos

                                                CATEGORÍA C: de 12 a 16 anos

4.- O prazo de presentación dos traballos rematará o vindeiro 7 de maio , debendo de ser entregados polos seus autores na BIBLIOTECA MUNICIPAL ou nos COLEXIOS DO CONCELLO.

5.- O xurado , formado por persoas entendidas na materia, seleccionará por cada modalidade e categoria un máximo de tres traballos.

6.- O fallo do xurado local farase público antes do DÍA DAS LETRAS GALEGAS.

7.- Os traballos premiados nesta fase local participarán na fase provincial do Certame, convocada pola Biblioteca Publica de Lugo, co  patrocinio da Consellería de Cultura, Educación e Universidade da Xunta de Galicia.

8.- Os traballos premiados pasarán a ser propiedade da Biblioteca Pública que se reserva o dereito de publicación dos mesmos.

9.- Todas as incidencias non previstas nestas bases serán resoltas polo xurado.

>>Descarga aquí a folla de inscrición

ORGANIZAN E COLABORAN:

BIBLIOTECA PROVINCIAL DE LUGO

CONSELLERIA CULTURA,  EDUCACIÓN E UNIVERSIDADE DA XUNTA DE GALICIA

CONCELLO DE BARREIROS -  BIBLIOTECA PUBLICA MUNICIPA

RESUMO DO ARTIGO 31 CONVENCION SOBRE OS DEREITOS DO NENO

1.- Os Estados Partes, recoñecen o dereito do neno/a ao descanso e ao esparcemento, ao xogo e ás actividades recreativas propias da súa idade, e a participar libremente na vida cultural, e nas artes.