A Biblioteca Pública Municipal de Barreiros, en colaboración coa Biblioteca Pública de Lugo e co patrocinio da Consellería de Cultura, Educación, Formación Profesional e Universidades da Xunta de Galicia, convoca o CERTAME DE NARRACIÓN E DEBUXO INFANTIL LETRAS GALEGAS 2024 (Fase Local).

Este ano, a homenaxeada é a escritora, filóloga e violinista coruñesa Luísa Villalta. Neste mes das letras, o Concello de Barreiros porá en valor a obra desta autora que se converteu nunha das grandes figuras da literatura galega na segunda metade dos anos 80 e comezo dos 90.

O prazo de presentación dos traballos rematará o vindeiro 15 de maio, debendo ser entregados na Biblioteca Municipal ou nos colexios do concello.

Para resolver dúbidas, podes contactar coa Biblioteca Municipal chamando ao 982.124.106 ou enviando un correo a cultura@concellodebarreiros.gal.

Anima aos teus fillos/as a participar e compartir o seu talento!

Agardamos contar coa participación de todas as nenas e nenos de Barreiros para celebrar as Letras Galegas!

Documentos

 Bases certame letras galegas 2024