Con 6 actuacións de coñecidas contadoras de historias preséntase o programa “A Voltas cos Contos”

O Concello de Barreiros, a través da súa concellaría de Dinamización, lanza o programa cultural "A Voltas cos Contos" durante o mes de xuño. Este ciclo de monólogos, composto por seis actuacións, promete enriquecer a vida cultural do municipio cunha serie de eventos que combinan humor, narración e reflexión.

Calendario de actuacións:

• - 15 de xuño: "Ida e volta" de Cris de Caldas nas Escolas de Celeiro de Mariñaos.
• - 16 de xuño: "Coa palabra na boca" de María da Pontragha na Escola de Vilamartín Pequeno.
• - 22 de xuño: "O medo é libre" de Ángeles Goás no local social de Cabarcos.
• - 23 de xuño: "Tralalareira" de Vero Rilo no teleclube de Vilamartín Grande.
• - 29 de xuño: "Ida e volta" de Cris de Caldas no teleclube da Rilleira.
• - 30 de xuño: "E ti de quen vés sendo?" de Ángeles Goás no local social de San Xusto.

Todas as actuacións comezarán ás 20:00 horas.

Dani García, concelleiro de dinamización e participación veciñal, destacou a importancia deste programa: "Con 'A Voltas cos Contos' buscamos non só ofrecer entretemento, senón tamén promover a cultura galega e fomentar o encontro e a convivencia entre as veciñas e veciños. Agardamos que a veciñanza barreirense goce  destas sesións que mesturan humor e tradición".

O programa está enmarcado no circuíto "Cultura no Camiño" da Xunta de Galicia e no Plan Único da Deputación Provincial de Lugo.