Concluíu a peregrinación a Compostela, que durante nove sábados realizaron un grupo de 45 veciños e veciñas de Barreiros. Neste 2016 elixiron o Camiño Primitivo desde Fonsagrada ata Santiago.

O concelleiro de Medio Ambiente, José Manuel Gómez Puente, explicou que “fixemos un total de 5 quilómetros, os que separan o Monte do Gozo da Catedral de Santiago. Aos 45 peregrinos que fixemos o Camiño uníronse familiares e outros veciños, en total 90 persoas, que realizamos xuntos este treito do Camiño”.

PARA FUENTE PARGA CONTRASTAN ESTES TRABALLOS FINANCIADOS POLA XUNTA DE GALICIA CO MAL ESTADO QUE PRESENTA A ESTRADA PROVINCIAL QUE VAI DE VILAMAR A SAN XUSTO E QUE “PRECISA DUNHA REXENERACIÓN TOTAL”. 

Estes días da comezo a segunda fase das obras de acondicionamento da LU-133 ao seu paso por Vilamar, en Barreiros. Trátase do treito comprendido entre o quilómetro 4 e a rotonda que enlaza coa estrada que vai a Trabada.

BARREIROS ACOLLE UN CAMPUS DE BALONCESTO NA PRIMEIRA QUINCENA DE XULLO. OS PARTICIPANTES DEBERÁN TER ENTRE 8 E 18 ANOS. A INSCRICIÓN É GRATUÍTA E DEBERÁ EFECTUARSE AO LONGO DESTA SEMANA NO CONCELLO.

Barreiros acolle un campus de baloncesto en dúas quendas, que se desenvolverán do 2  ao 17 de xullo. Os participantes deberán ter entre 8 e 18 anos. A inscrición, que é gratuíta, está aberta e deberá realizarse ao longo desta semana.

O alcalde, Alfonso Fuente, recolleu este mediodía en Bastiagueiro (A Coruña) as seis bandeiras azuis que recibiron os areais de As Pasadas, Lóngara, Coto, Acantilado-Remior, Arealonga e Fontela-Valea. O presidente da Xunta, Alberto Núñez Feijoo, e a conselleira de Medio Ambiente e Ordenación do Territorio, Beatriz Mato, foron os encargados de entregar os galardóns.

O alcalde, Alfonso Fuente, e a concelleira de Cultura, Adela Rodríguez, fixeron entrega dos premios aos gañadores do Certame de Narración e Debuxo Letras Galegas 2016, que na súa fase local foi convocado pola Biblioteca Municipal barreirense. Os doce nenos e nenas recibiron os diplomas que os acreditan como gañadores do concurso. Fuente e Rodríguez felicitáronos e animáronos a seguir desfrutando coa escritura, coa lectura e co debuxo.

O grupo A Adala puxo en escena o 15 de maio "Unha morta moi viva" no centro sociocultural Manuel Díaz Sampedro que se encheu para gozar con esta representación.

O grupo de barreirenses que están a peregrinar a Compostela a través do Camiño Primitivo fixeron o pasado sábado, 14 de maio, o treito comprendido entre Burgo de Negral (Friol) e Vilamor (Toques). Trátase da quinta etapa das oito previstas e que deron comezo a mediados do pasado mes de abril. O concelleiro de Medio Ambiente, José Manuel Gómez Puente, contou que "a quinta etapa foi dura, a través de camiños cheos de barro, pero ao final triunfamos e rematamos cunha boa comida.

Barreiros celebra o día das Letras Galegas con teatro e con música o domingo e o martes.

Este domingo, 15 de maio, haberá teatro. O grupo A Adala representará Unha morta moi viva. Será a partir das sete da tarde no centro sociocultural Manuel Díaz Sampedro. A actividade está organizada pola Oficina de Información Xuvenil e pola Biblioteca Pública Municipal.

O alcalde, Alfonso Fuente, asegura que a auga das parroquias de Reinante, San Miguel e San Pedro é apta para o consumo a pesares do forte olor detectado estes días.

O rexedor contou que “dende hai dous días en Barreiros, sobre todo nas parroquias de Reinante, San Miguel e San Pedro, estase a notar un olor moi forte na auga. Un olor que se podería confundir cun exceso de cloro ou de lixivias”.

O alcalde, Alfonso Fuente, e a concelleira de Cultura, Adela Rodríguez, entregaron hoxe nos colexios de San Miguel e de San Cosme varios exemplares de libros de Manuel María, o escritor ao que este ano se dedica o Día das Letras Galegas. “Deste xeito queremos contribuír á celebración desta data”, sinalaron.