O Concello de Barreiros, a través do departamento de Servizos Sociais, convocou o VII Concurso de Poesía "Miña nai, muller traballadora", no que participou o alumnado de 4º, 5º e 6º de educación primaria dos dous Ceip da localidade, San Cosme de Barreiros e San Miguel de Reinante. O certame foi organizado con motivo da celebración do Día Internacional da Muller.

O alcalde, Alfonso Fuente Parga, procedeu onte, 8 de marzo, á entrega dos premios aos gañadores do concurso, que leron as súas poesías diante dos seus compañeiros e compañeiras.

En Barreiros terá lugar unha charla sobre seguridade vial o vindeiro luns, 13 de marzo.

Esta actividade leva por título Para, Reflexiona, Actúa. Será o luns no centro sociocultural, en San Cosme de Barreiros, a partir das 17:00 horas.

A AULA CEMIT DE BARREIROS PROGRAMA CATRO CURSOS PARA AS VINDEIRAS SEMANAS. TEÑEN CARÁCTER GRATUÍTO E AS PRAZAS SON LIMITADAS. AS PERSOAS INTERESADAS EN ASISTIR XA PODEN INSCRIBIRSE.

A Aula CeMIT barreirense acollerá ao longo das vindeiras semanas catro cursos de informática. Teñen carácter gratuíto e as prazas son limitadas. As persoas interesadas en acudir poden facer a súa reserva acudindo á propia Aula CeMIT ou chamando ao seguinte número de teléfono 639 876 671.

O TEMPORAL REXISTRADO NO MAR PROVOCOU DANOS NAS PRAIAS DE ALTAR, REMIOR E REINANTE EN BARREIROS. O ALCALDE SUPERVISOU OS DESPERFECTOS E PERSOAL DA DEPUTACIÓN TRABALLA HOXE NA SÚA REPARACIÓN.

Arredor de 150 persoas asistiron onte no local social de San Xusto á charla informativa sobre a couza guatemalteca, que impartiron técnicos da Xunta. Alí estiveron o concelleiro de Medio Ambiente,  José Manuel Gómez Puente, e o alcalde, Alfonso Fuente Parga.

BARREIROS ACOLLERÁ UNHA CHARLA INFORMATIVA SOBRE A PRAGA DA COUZA DA PATACA O DÍA 22 DE FEBREIRO. O ACTO, ORGANIZADO POLA XUNTA, TERÁ LUGAR EN SAN XUSTO.

Barreiros acollerá unha das charlas informativas organizadas pola Xunta sobre a praga da couza da pataca. Esta sesión informativa, na que intervirán técnicos de Medio Rural, terá lugar o día 22 deste mes ás 19:00 horas no local do campo da festa de San Xusto.

“A SITUACIÓN ECONÓMICA DO CONCELLO BARREIRENSE É BOA”. ASÍ O DIXO HOXE O ALCALDE, ALFONSO FUENTE, QUE SUBLIÑOU QUE OS PROVEDORES ESTÁN A COBRAR SEN PROBLEMA E QUE NON SE ESTÁN A PRIVATIZAR SERVIZOS.

O alcalde, Alfonso Fuente, asegura que os orzamentos municipais de 2017 son equilibrados, que os provedores están a cobrar sen problema en Barreiros e subliña que non se está a privatizar ningún servizo. Para Alfonso Fuente a situación económica do Concello barreirense é boa. O presuposto deste ano ascende a 4,7 millóns de euros.

O CONCELLO ORGANIZA UNHA REPRESENTACIÓN TEATRAL PARA O VINDEIRO DOMINGO, 5 DE FEBREIRO. O GRUPO A ADALA PORÁ EN ESCENA SI O SEI, NON VOLVO Á CASA.

O Concello de Barreiros organiza unha representación teatral o vindeiro domingo, 5 de febreiro. O grupo A Adala presentará Si o sei, non volvo á casa. A obra poderase ver ás 18:00 horas, no Centro Sociocultural Manuel Díaz Sampedro.

Entregados os premios aos gañadores do Concurso de Poesía e Debuxo Nadal 2016, convocado na súa fase local pola biblioteca municipal.

Os gañadores en poesía foron: Fernando Seco Sánchez, Zaira Veiga Castosa, Daniela Yáñez Lorenzo, Nara Ramos Freire, Saúl Fuente Álvarez, Daniel Vidal Vega e Rosa Martín de Burgos. E en debuxo os mellores traballos foron os presentados por: Ángela Ventoso Carrera, Karol Perdiguero Smolen e Samuel Carregal Díaz.

Deputación de Lugo subvencionou con 1.190,87 € a colocación dunha caixa negra no Salón de Actos do Centro Sociocultural de San Cosme de Barreiros, mellorando así ditas instalacións e permitindo realizar de forma máis axeitada as actividades culturais que se veñen realizando neste centro.