As Concellerías de Turismo e Medio Ambiente organizan unha nova peregrinación que este ano será entre Compostela e Fisterra-Muxía. Dividirase en cinco etapas de 18 quilómetros cada unha delas, e a primeira será o 5 de maio. As persoas interesadas poden anotarse nas dependencias do Concello ou chamando ao teléfono 618 75 25 60.

O Concello presentaba este mediodía a app denominada Línea Verde. No acto, que tivo lugar na aula CeMIT, estiveron presentes o alcalde, Alfonso Fuente, e os concelleiro de Medio Ambiente e Cultura, José Manuel Gómez Puente e Adela Rodríguez, entre outros.

Intensa actividade nos últimos días en Barrreiros. Un grupo de escolares realizaron unha visita á Bibliteca Pública Municipal para participar en actividades relacionadas co libro e coa propia Biblioteca.

Por outra banda, a ilusión e a maxia foron as protagonistas na tarde de onte, domingo, no centro sociocultural Manuel Díaz Sampedro, co espectáculo de Manuel Lamas, que organizou o Concello en colaboración do Agadic da Xunta de Galicia. Ao remate desta actividade houbo entrega de rosas e libros aos asistentes.

A Concellería de Cultura programa para este domingo, 22 de abril, o espectáculo titulado Achégate ao sexto sentido co mago Manuel Lamas.

Esta actuación, incluída no programa Cultura no Camiño 2018 da Xunta de Galicia, terá lugar no centro sociocultural Manuel Díaz Sampedro de San Cosme de Barreiros ás 18:00 horas.

Trátase dunha montaxe novidosa onde as novas tecnoloxías se mesturan con fermosas historias contadas con dobre sentido para que o público disfrute con emoción e ilusión.

O sábado, 14 de abril de 2018, publicouse no BOP de Lugo o Anuncio para a adxudicación de casetas móbiles para a tempada 2018.

O prazo de presentación de instancias é de DEZ DÍAS NATURAIS a contar dende o seguinte ó da publicación deste anuncio no BOP de Lugo.

O departamento de Servizos Sociais do Concello organiza unhas Xornadas Sanitarias sobre o Cancro, que terán lugar os días 6 e 7 de abril.

O venres, día 6, Antía Ben Fernández, que é técnico superior en Dietética e Nutrición pronunciará unha charla sobre Alimentación preventiva contra o cancro. Será ás 18 horas.

O sábado, día 7, Ana Rosa Devesa Fernández, enfermeira supervisora do Hospital de Día Onco-Hematoloxía do HULA, falará sobre Os coidados no fogar coa quimioterapia. Esta charla dará comezo ás 16:30 horas.

A Concellería de Cultura, a través da Oficina de Información Xuvenil, organiza unha representación teatral para o vindeiro domingo, 25 de marzo.

Con motivo da celebración do Día Mundial del Teatro, o grupo A Adala porá en escena a obra Elixir de Xuventude. Trátase dunha comedia costumbrista.

A representación terá lugar o 25 de marzo, ás 18:00 horas, no centro sociocultural Manuel Díaz Sampedro, en San Cosme de Barreiros.

A Xunta de Galicia pon en marcha unha nova campaña de concienciación sobre a importancia de respectar a distancia das plantacións de eucaliptos, piñeiros, acacias, ect., en relación a núcleos rurais, vivendas illadas, estradas, gasolineiras… tamén controlar o crecemento da biomasa dentro das distancias que se ven afectadas, evitar o abandono e seguir estritamente as datas das queimas autorizadas.

Entre todos debemos facer cumprir estas pautas xa que pronto chegarán días de seca e alto risco de incencios.

O grupo de teatro O Centiño, de San Martiño, representará a obra Zume de amorodios en San Cosme de Barreiros. Trátase dunha comedia centrada no amor, nas súas diversas idades e manifestacións.

Será este domingo, 11 de marzo, ás 18:00 horas, no centro sociocultural Manuel Díaz Sampedro.