Os colexios vellos de San Miguel de Reinante acollerán do 17 ao 31 de outubro esta exposición que recolle a actividade política e literaria de Castelao desde 1934, cando firma os seus primeiros artigos no desterro extremeño, ata 1944, ano da publicación da primeira edición de Sempre en Galiza e da fundación do Consello de Galiza, goberno galego no exilio do que precisamente Castelao foi o primeiro presidente.

A iniciativa forma parte do programa conmemorativo “75 cabodano de Castelao (1950-2025)” do Museo Provincial de Lugo e conta coa colaboración da Vicepresidencia da Deputación de Lugo e do Concello de Barreiros.

Horarios de visita:

• - Luns, martes e mércores de 10:30 a 11:30 h.
• - Xoves de 12:00 a 13:00 h.

Pase treatralizado especial

O sábado, 25 de outubro, ás 19:00 h. haberá un pase teatralizado especial a cargo do grupo “Os Quincalláns” que representarán a obra de teatro “Cousas”.